اسلام آباد۔28جون (اے پی پی):وفاقی وزیر داخلہ محسن نقوی آکھیے جو دور حاضر اچ اساکوں طاقت دے خطرے ، غیر ملکی مداخلت، غلامی، نفرت انگیز نظریات، غربت، عدم مساوات، عالمی تناؤ، فوجی اتحاد تے جوہری ہتھیاراں دی دوڑ دا سامݨا اے۔ اپݨی کمیونٹیزدے تحفظ تے آپݨی قوماں دی سلامتی سانڳے بین الاقوامی تعاون کوں ودھاوݨ ساݙی اجتماعی کاوش تے ترجیح ہووݨا چاہیدے ۔ او اقوام متحدہ جنرل اسمبلی اچ یواین کوپس دے خصوصی اجلاس دی صدارت اچ خطاب کریندے پئے ہن ۔ وزیرداخلہ عالمی و علاقائی جھیڑے تے تشدد روکݨ تے امن برقرار رکھݨ دے اہم موضوع تے مدلل انداز اچ روشنی پاتی تے امن مشنز اچ پاکستان دے بے مثال تعاون دا خصوصاً ذکر کیتا۔ انھاں آکھیے اجتماعی سفارتکاری کوں بروئے کار گھن آتے جھیڑیں دی بنیادی وجہ کوں حل کر تے توجہ ݙیوݨی چاہیدی اے۔ اقوام متحدہ دی جنرل اسمبلی، اکنامک اینڈ سوشل کونسل، عالمی عدالت انصاف اتے پیس بلڈنگ کمیشن دا کردار ایں ضمن اچ کلیدی اہمیت رکھیندے ۔ انہاں آکھیے پاکستان کوں اقوام متحدہ دے امن مشنز اچ آپݨی دیرپا شراکت تے فخر اے، ہݨ تئیں 47 امن مشنز اچ پاکستان دے 230،000 فوجی شرکت کر چکن۔انہاں آکھیے اقوام متحدہ دے امن مشنز کوں دہشت گرداں، قبائلی دشمنیاں تے اپݨی حفاظت جیہے چیلنجز دا سامݨا اے،ھک ایجھی دنیا جتھاں چیلنجز سرحداں توں بالاتر ہن، ساݙا اتحاد اتے مشترکہ عزم پہلے توں کتھائیں ودھ اہم اے ۔
