اسلام آباد – 24 – سيپٽمبر (اي پي پي) پاڪستان لبنان جي خلاف اسرائيل جي جارحيت جي سخت مذمت ڪندي چيو آهي ته جمهوريه لبنان جي خلاف جارحيت جو اهو عمل گڏيل قومن جي چارٽر ۽ عالمي قانونن جي سنگين خلاف ورزي آهي. پرڏيهي آفيس جي ترجمان پاران جاري بيان ۾ چيو ويو ته اهو هڪ خطرناڪ اضافو آهي جنهن اڳ ۾ ئي غيرمستحڪم خطي ۾ امن ۽ سلامتي کي وڌيڪ خطري ۾ وجه?? ڇڏيو آهي. هن چيو ته پاڪستان لبنان جي خلاف اسرائيل جي تازه ترين فوجي جارحيت جي شديد ترين لفظن ۾ مذمت ڪري ٿو جنهن ۾ سوين شهرين جو قتل عام ٿيو. ترجمان چيو ته پاڪستان لبنان جي خودمختياري ۽ علائقائي سالميت ??ي لاءِ پنهن??ي مڪمل حمايت جو ورجاءُ ڪري ٿو ۽ لبنان جي عوام سان يڪجهتي ۽ امن ۽ سلامتي سان رهڻ جي حق ??ي لاءِ بيٺل آهي. هن عالمي برادري کان مطالبو ڪيو ته اها اسرائيل کي خطي ۾ ان جي خطرناڪ مهم جوئي ۽ جارحيت ۽ نسل ڪشيءَ جي ڪاررواين جو گهيراءُ ڪرڻ ??ي لاءِ فوري قدم کڻي.
