اسلام آباد- 16 ڊسمبر (اي پي پي) گهرو معاملن واري وفاقي وزير محسن نقوي چيو آهي ته بدترين دشمنن 16 ڊسمبر تي معصوم ٻارن ۽ بيگناهه استادن کي بيگناهه شهيد ڪيو، هي ڏينهن اسان جي عزم جو نشان بڻجي چڪو آهي اسان دهشتگردي خلاف جنگ جاري رکنداسين. معصوم ٻارن ۽ استادن پنهنجي رت سان پرامن پاڪستان جو بنياد رکيو. گهرو وزير آرمي پبلڪ اسڪول پشاور جي شهيدن جي ورسي جي موقعي تي پنهنجي پيغام ۾ چيو ته وحشي صفت دهشتگردن معصوم گلن جهڙن ٻارن کي بيدردي سان شهيد ڪيو. اي پي ايس جا ??هيد اڄ به قوم جي دلين ۾ زنده آهن جڏهن ته بزدل دشمنن لاءِ ڌرتي تنگ ڪري ڇڏي آهي. اي پي ايس جي شهيدن قوم کي دهشتگردي جي ناسور خلاف هڪ ڪيو. هن چيو ته شهيد معصوم ٻار ۽ استاد سڄي قوم جا هيرو آهن ۽ سندن والدين کي سلام ??يش ڪيون ٿا. سڄي قوم اڄ اي پي ايس جي شهيدن جي لازوال قربانين کي خراج عق??دت پيش ڪري رهي آهي.
