اسلام آباد۔ 24 ستمبر(اے پی پی)کابینہ دی اقتصادی رابطہ کمیٹی (ای سی سی) درآمدی پالیسی آرڈر 2022 اچ ترمیم دی منظوری ݙے ݙتی اے جیندے تحت ابتدائی طور تے صرف او ڳاݙیاں درآمد تھی سڳسِن ڄیڑھیاں پنڄ سال توں پراݨیاں نہ ہوون۔ اے شرط 30 جون 2026 تئیں لاگو رہسی، جیندے بعد ڳاݙیاں دی عمر دی حد ختم کر ݙتی ویسی۔ پنڄ سال توں گھٹ پراݨیاں استعمال تھیوݨ آلیاں ڳاݙیاں دی تجارتی درآمد تے موجودہ کسٹمز ڈیوٹی دے علاوہ 40 فیصد ریگولیٹری ڈیوٹی لاوݨ دی وی منظوری ݙتی ڳئی۔ اقتصادی رابطہ کمیٹی (ای سی سی) دا اجلاس وفاقی وزیر خزانہ و محصولات سینیٹر محمد اورنگزیب دی اڳواݨی اچ تھیا اتے انہاں نیویارک توں اجلاس دی ورچوئل صدارت کیتی۔ اجلاس اچ استعمال تھیوݨ آلیاں ڳاݙیاں دی تجارتی درآمد بارے سمری تے غور کیتا ڳیا اتے تفصیلی بحث دے بعد سفارشات دی منظوری ݙے ݙتی ڳئی۔ اجلاس اچ استعمال تھیوݨ والیاں ڳاݙیاں دی تجارتی درآمد دی اجازت کیتے درآمدی پالیسی آرڈر 2022 اچ ترمیم دی منظوری ݙتی ڳئی۔ کمیٹی آکھیا جو اینڄھی تجارتی درآمد صرف ماحولیاتی اتے حفاظتی معیارات تے سختی نال عمل درآمد دے تحت ہی ممکن ہوسی۔ ای سی سی پنڄ سال توں گھٹ پراݨیاں استعمال تھیوݨ آلیاں ڳاݙیاں دی تجارتی درآمد تے موجودہ کسٹمز ڈیوٹی دے علاوہ 40 فیصد ریگولیٹری ڈیوٹی لاوݨ دی وی منظوری ݙتی۔ اے اضافی ڈیوٹی 30 جون 2026 تئیں نافذ رہسی، جیندے بعد ہر سال 10 فیصد پوائنٹس کمی کیتی ویسی اتے ٹیرف پالیسی بورڈ دیاں سفارشات دے مطابق 2029-30 تک ایکوں صفر تے گھن آیا ویسی۔ اجلاس اچ کابینہ ڈویژن ولوں پیش کیتی ڳئی ہک ٻئی سمری تے غور دے بعد پاکستان ورچوئل ایسٹس ریگولیٹری اتھارٹی کیتے 80 کروڑ روپے دی تکنیکی ضمنی گرانٹ دی منظوری وی ݙتی ڳئی۔ اجلاس اچ وفاقی وزیر پیٹرولیم علی پرویز ملک، وفاقی وزیر قومی غذائی تحفظ و تحقیق رانا تنویر حسین، وفاقی وزیر توانائی سردار اویس احمد خان لغاری، وفاقی سیکرٹریز تے متعلقہ وزارتاں و ریگولیٹری اداروں دے سینئر حکام شرکت کیتی
.jpg)
.jpg)
