اسلام آباد۔ 16 جولائی (اے پی پی) وفاقی وزیر داخلہ محسن نقوی ڈیرہ اسماعیل خان دے علاقے کلاچی وچ یادگاری چوکی دے نیڑے “فتنۃ الہندوستان” دے دہشت گرداں دی فائرنگ دی مذمت کیتی اتے شہید تھیوݨ آلے ݙو پولیس اہلکاراں کوں خراج عقیدت پیش کیتا۔ وزارت داخلہ ولوں جاری بیان اچ وزیر داخلہ محسن نقوی شہید پولیس اہلکاراں دے لواحقین نال دلی ہمدردی اتے اظہار تعزیت کیتا۔ وزیر داخلہ آکھیا جو خیبر پختونخوا پولیس دے بہادر سپوتان دی قربانیاں کوں سلام پیش کرینداں۔ محسن نقوی آکھیا جو شہید پولیس اہلکاراں دے لواحقین دے نال کھڑوں، شہید پولیس اہلکاراں دی قربانی رائیگاں نہ ویسی۔ محسن نقوی آکھیا جو خیبر پختونخوا پولیس دہشت گردی دے خلاف جنگ اچ ہراول دستے دا کردار ادا کریندی پئی اے۔ انہاں آکھیا جو خیبر پختونخوا دی پولیس دے جری جواناں تے فخر اے۔ وفاقی وزیر داخلہ محسن نقوی “فتنۃ الہندوستان” دے حملہ آور دہشت گرداں دے خلاف بروقت کارروائی تے خیبر پختونخوا پولیس کوں خراج تحسین پیش کیتا۔ انہاں آکھیا جو “فتنۃ الہندوستان” دے دہشت گرد کوں جہنم واصل کرݨ تے خیبر پختونخوا دی پولیس دی پیشہ وارانہ صلاحیتاں کوں سراہندوں۔ محسن نقوی آکھیا جو خیبر پختونخوا پولیس دا “فتنۃ الہندوستان” دے دہشت گرداں دے خلاف کامیاب آپریشن لائق تحسین اے۔ انہاں آکھیا جو “فتنۃ الہندوستان” دے دہشت گرداں دے خلاف کامیاب آپریشن تے آئی جی پولیس خیبر پختونخوا اتے انہاں دی پوری ٹیم کوں مبارخ ݙینداں۔ وفاقی وزیر داخلہ محسن نقوی آکھیا جو بھارتی سپانسرڈ دہشت گرداں کوں امن دی فضا سبوتاژ کرݨ نہ ݙیسوں۔
