اسلام آباد۔8اپریل(اے پی پی) پاک فوج دے سربراہ جنرل سید عاصم منیر آکھیے پاکستان عالمی معدنی معیشت اچ ھک رہنما دے طور تے ابھرݨ سانڳے تیار اے،پاکستان دی معدنیات دی دولت کوں اخذ کرݨ سانڳے انجنیئرز ، جیالوجسٹ، آپریٹرز اتے ٻہوں سارے ماہر کان کن درکار ہن ۔ ایں سانڳے اساں ایں شعبے دی ترقی سانڳے طلبا کوں ٻاہرلے ملک تربیت سانڳے وی بھڄیندے پیوں ،پاک فوج اپݨے شراکت داراں تے سرمایہ کاراں دے مفادات اتے اعتماد دے تحفظ سانڳے ھک تکڑا سکیورٹی فریم ورک اتے فعال اقدامات یقینی بݨیسی ۔او پاکستان منرل انویسٹمنٹ فورم 2025 توں خطاب کریندے پئے ہن ۔ آرمی چیف آکھیے میک??ں پکا یقین اے ج پاکستان عالمی معدنی معیشت اچ ھک رہنما دے طور تے ابھرݨِ سانڳے تیار اے ، اساں بین الاقوامی اداریں کوں خوش آمدید آکھدوں جو ا?? آپݨی مہارت نال پاکستان کوں روشناس کراون، سرمایہ کاری دے موقع ڳولن تے وسائل دی وسیع صلاحیت دی ترقی اچ اساں نال سانجھے داری کرن ، ایں ویلھے بلوچستان دے 27 پاکستانی طلباء زیمبیا اتے ارجنٹینا اچ منرل ایکسپلوریشن اچ تربیت گھندے پئن ۔ ساݙا مقصد معدنی شعبے سانڳے افرادی قوت، مہارت اتے انسانی وسائل پیدا کرݨا وی ہے ۔اقتصادی سلامتی، قومی سلامتی دے ھک اہم جزو دے طور تے ابھری اے۔ انہاں آکھیے پاکستان اچ اپ سٹریم اتے ڈائون سٹریم معدنی صنعتاں دی ترقی کوں وی یقینی بݨایا ویسی ۔ اے ڳالھ اہم اے جو لاڳت کوں بہتر بݨاوݨ تے منڈیاں کوں متنوع بݨاوݨ سانڳے پاکستان اچ ریفائننگ اتے ویلیو ایڈیشن اچ سرمایہ کاری کیتی وںڄے ۔ آرمی چیف آکھیے پاکستانی عوام دے پیراں دے تلے وسیع معدنی ذخیرے، ہتھاں اچ مہارت تے شفاف معدنی پالیسی دے ہوندے ہوئیں مایوسی اتے بے عملی دی کوئی گنجائش کائںی اڳوں ودھو جدوجہد کرو ملک سانڳے تے آپݨے کیتے ۔ اساں پاکستانی بیک آواز شراکت داراں اتے سرمایہ کاراں کوں یقین ݙویندوں جو کاروبار اتے معدنی دولت توں فیدے سانڳے تساݙی مہارت توں فیدہ چاوݨ ساݙی اجتماعی قومی خواہش اے۔ آرمی چیف تساڈے پاکستان تے اعتماد پارٹنر دے طور تے بھروسہ کرسڳدو۔جنرل سید عاصم منیر آکھیے او بلوچ قبائلی عمائدین دیاں کوششاں دے وی معترف ہن جنہاں کان کنی دے کماں کوں ودھارا ݙیوݨ تے بلوچستان دی ترقی و پیشرفت اچ اہم کردار نبھائے ۔ رل تے کم کرݨ نال پاکستان دا معدنی شعبہ اجتماعی فیدے سانڳے علاقائی ترقی، خوشحالی اتے پائیداری کوں ودھارا ݙے سڳدے۔
